Математикалық анализ кафедрасы

Қарақалпақстан Республикасының мектеплерин педагог кадрлар менен тәмийинлеў мақсетинде 1935-жылдың 1-сентябринде Төрткүл қаласында Қарақалпақ мәмлекетлик муғаллимлер институты ашылып, ол 1934-жылы ашылған таярлық бөлиминиң базасында өз жумысын баслады. Институт ашылған ўақытта физика-математика ҳәм қарақалпақ тили және әдебияты бөлимлери болды.

Физика-математика бөлиминде бир ғана кафедра болып, ол физика-математика илим-лери кафедрасы деп аталатуғын еди. 1935-жылдан баслап кафедраны доцент М.В.Щеглов басқарып, ол физика ҳәм математика бағдарындағы, дерлик, барлық пәнлерди оқытты. Кейин кафедраға С.Б.Булатов ҳәм Ф.Д.Кочановлар келип қосылды. С.Б.Булатов жергиликли тилди билетуғын бирден-бир муғаллим еди. Булардан кейин 1936-1937-оқыў жылында Өзбекистан билимлендириў халық комиссариатының жолламасы менен Орта Азия мәмлекетлик университетиниң питкериўшиси Умар Булешев келип ислей баслады, ал сол жылдан баслап кафедраға М.Г.Галикеев келип, кафедра және де толысты, оқытыўды жергиликли тилде алып барыў мүмкиншилиги пайда болды. Кафедра ағзалары республика мектеплери ушын жүдә зәрүр болған математика ҳәм физика бойынша сол гездеги сабақлықлар ды қарақалпақ тили-не аўдарыў бойынша үлкен жумыслар алып барды. Соның менен бирге қарақалпақ тилиниң математикалық ҳәм физикалық терминологиясын ислеп шығыў бойынша бир қанша жумыслар исленди. Усының нәтийжесинде 1939-жылы У.Булешев тәрепинен дүзилген математикалық терминлер сөзлиги ҳәм С.Булатов дүзген физикалық терминлер сөзлиги қарақалпақ тилинде ба-сылып шықты. Бул жетискенликлер республикада физика-математика бойынша билим бериўди раўажландырыўда үлкен әҳмийетке ийе болды. 1944-жылы муғаллимлер институты педагогикалық институтқа айналдырылды. Ал, 1948-1949-оқыў жылынан баслап, физика-математикалық илимлер кафедрасы математика ҳәм физика кафедралары болып екиге бөлинди. 1969-жылы усы математика кафедрасы тийкарында математикалық анализ кафедрасы шөлкемлестирилди.

Кафедраның заман талапларына жуўап берип, өсип раўажланыўына ҳәр қыйлы жылларда кафедрада ислеп, мийнет еткен доцентлер У.Булешев, профессор Ж.Қутлымуратов, доцентлер О.Жиемуратов, Қ.Қалжанов, У.Раметов, физика-математика илимлериниң докторы, профессор С.Қосбергенов, оқытыўшылар О.Садықов, М.Якубова, доцентлер Ж.Мырзанов, Ф.Н.Жапакова, С.Дауенов, А. Омаров, О.Д.Нуржанов, З.Сапаров, Б.Пренов, М.Асқаров, С.Таңирбергенов, Қ.Қ.Елгондиев, Ө.О.Қурбанбаев, М.Ибрагимов, К.Кудайбергенов, А.Даужанов, М.Танирбергенов, Б.Курбанов, Б.Отемуратов, С.Тлеумуратов, Ж.Отарова үлкен үлес қосты. Кафедраға доцентлерден О.Джиемуратов (1969-1976), У.Булешев (1976-1987), Қ.Қалжанов (1987-1992), С.Қосбергенов (1992-1994) ҳәм (1999-2004), Б.Пренов (1995-1996) У.Раметов (1997-2000), М.Ибрагимов (2004-2005), К.Елгондиев (2005-2009), Б.Отемуратов (2009-2011),С.Тлеумуратов (2011-2016) кафедраға басшылық етти. 2016-жылдан баслап доцент Қ.Елгондиев басшылық етпекте.

Ҳәзирги күнде кафедрада 19 профессор-оқытыўшы ислеп атыр. Олардан 10 профессор-оқытыўшы доцент ҳәм илим кандидатлары. Кафедрада илимий-педагогикалық кадрлар таярлаў мәселесине айрықша кеўил аўдарылмақта. Доцент Б.Отемуратовтың докторлық диссертация жумысы ҳəзирги ўақытта таяр болып, семи-нарлардан өтип атыр. Доцент Б.Курбанов ҳәм ассистент Г.Изетаевалар доктарантураны питке-рип келип, диссертация жақлаў алды имтиханларын тапсырып атыр. Кафедрамыз ассистентлери Б.Нуржанов Қытай мәмлекетинде, ал И.Бектемиров Россияның Новосибирск қалаларында илимий жумысларын алып бармақта. Кафедра доценти Б.Отемуратов бир неше мәртебе Сибирь Федерал университетиниң Матема-тика институтында ҳәм 2014-жылы АҚШта илимий сапарларда болды. Кафедрамызға илимий қәнигелерди таярлаўды ҳәм кафедраны раўажландырыўға үлкен үлес қосқан академиклер А.Садуллаев, А.Аюповлар, профессорлар Г.Худойберганов ҳәм А.Ворисовларға Қарақалпақ мәмлекетлик университетиниң «Ҳүрметли профессоры» атағы берилди. Кафедрада Мырза Улығбек атындағы
Өзбекистан миллий университети, Ташкент мәмлекетлик педагогикалық университети, Өзбекистан миллий университети жанындағы математика ҳәм информациялық технологиялар институты, Аль-Хорезмий атындағы Үргенч мәмлекетлик университети, Россия Федерациясының Новосибирск, Омск, Красноярск университетлери, Украина Миллий Илимлер кадемиясының математика институты, Киев миллий университетиниң сәйкес кафедралары ҳәм бөлимлери менен илимий
байланысларға ийе.

Кафедрада ислеп атырған илимий дәрежели профессор-оқытыўшылар

 

Елгондиев Қуаныш Қалбаевич, физика-математика илимлериниң кандидаты, доцент. 1961-жылы 5-февраль күни Хожели районында туўылған. 1984-жылы Бердақ атындағы Қарақалпақ мәмлекетлик университетин та-быслы тамамлаған. Қәнигелиги математик, оқытыўшы. 1989-жылы 21-октябрь күни «Асимптотическое интегрирование квазилинейных уравнений второго порядка с импульсным воздействием» темасында кандидатлық диссертациясын мүддетинен алдын жақлады. 50 ден аслам илимий жумыслары баспада жәрияланған. Соның ишинде 11 оқыў-методикалық қолланбалары баспаданшыққан. 1990-жылдан баслап математикалық анализ кафедрасында ислеп атыр. 1995-жылы доцент илимий атағын алған, Қарақалпақстан Республикасы халық билимлендириў ағласы. 2016-жылдан бас-лап математикалық анализ кафедрасының баслығы лаўазымында ислеп атыр.

 

 

 

 

Отемуратов Байрамбай Пердебаевич,  физика-математика илимлериниң кандидаты, доцент. 1977-жылы 29-декабрь күни Қараөзек районында туўылған. 1999-жылы Қарақалпақ мәмлекетлик университетин табыс-лы тамамлаған. Қәнигелиги математикалық анализ. 2009-жылы 3-декабрь күни «О многомерных теоремах морера для интегрируемых функций с одномерным свойством голоморфного продолжения» темасында кандидатлық диссертациясын жақлады. 40 тан аслам илимий мийнет-лери баспада жәрияланды. Соның ишинде 1 сабақлық, 12 оқыў қолланбасы баспадан шықты. 2011-жылдан баслап физика-математика факультетиниң деканы лаўазымында ислеп атыр.

 

 

Омаров Аллаберген, физика-математика илим-лериниң кандидаты, доцент. 1945-жыл 10-декабрь күни Шоманай районында туўылған. 1970-жылы Қарақалпақ мәмлекетлик педагогикалық инсти-тутын тамамлаған. Қәнигелиги дифференциаллық теңлемелер ҳәм мате-матикалық физика. 1986-жылы «Решение начально краевых задач теплопроводности в конусе, усеченном сферами» темасында кандидатлық диссертациясын жақлады. 45 тен аслам илимий мийнетлери баспада жәрияланды. Соның ишинде 2 сабақлық, 2 методикалық көрсетпеси баспадан шықты. 1996-жылдан баслап математикалық ана-лиз кафедрасының доценти.

 

 

Нуржанов Орынбай Далибаевич, физика-математика илимлериниң кандидаты, доцент 1950-жылы 10-октябрь күни Кегейли районында туўылған. 1971-жылы Қарақалпақ мәмлекетлик педагогикалық инс-титутын тамамлаған. Қәнигелиги дифференциал теңле-мелер ҳәм математикалық физика. 1979-жылы 15-октябрь күни «Аналитические методы построения периодических решений интегро-дифференциальных уравнений типа Вольтерра» темасында кандидатлық диссертациясын жақлады. 90 нан аслам илимий мийнетлери баспада жәрияланды. Соның ишинде 12 оқыў қолланбасы баспадан шықты. 1986-жылдан баслап математикалық анализ кафедрасының доценти

 

 

Қурбанбаев Өтебай Орынбаевич, физика-математика илимлериниң кандидаты, доцент. 1958-жылы 15-март күни Қараөзек районында туўылған. 1982-жылы Нөкис мәмлекетлик университетин тамамлаған. Қәнигелиги дифференциал теңлемелер ҳәм математикалық физика. 1990-жылы 24-декабрь күни «Краевые задачи для диф-ференциальных уравнений с импульсным воздействи-ем» темасында кандидатлық диссертациясын жақлады. 70 тен аслам илимий мийнетлери баспада жәрияланды. Соның ишинде 8 оқыў қолланбасы баспадан шықты. 1998-жылдан баслап математикалық анализ кафедрасының доценти.

 

 

Даужанов Айназар Шынназарович, физика-математика илимлериниң кандидаты, доцент. 1963-жылы 4-декабрь күни Мойнақ районы Қазақдарья аўылында туўылған. 1986-жылы Нөкис мәмлекетлик универси-тетин тамамлаған. Қәнигелиги математикалық анализ. 2008-жылы 5-июнь күни «Свойства слабых решений эллиптических уравнений» темасында кандидатлық диссертациясын жақлады. 15 тен аслам илимий мий-нетлери жәрияланды. Соның ишинде 1 сабақлығы баспадан шықты. 2008-жылдан баслап кафедра до-центи болып ислеп атыр.

 

 

Тлеумуратов Сарсенбай Жаксымуратович,физика-математика илимлериниң кандидаты, доцент. 1976-жыл 20-октябрь күни Нөкис қаласында туўылған. 1998-жылы университетти табыслы тамамлаған. Қәни-гелиги математикалық анализ. 2006-жылы 21-декабрь күни «Геометрические свойства гранево симметричных банаховых пространств» темасында кандидатлық дис-сертациясын жақлады. 35 тен аслам илимий мийнетлери баспада жәрияланды. Соның ишинде, 1 сабақлық, 10 oқыў қолланбасы баспадан шықты. 2011-2016-жыллары математикалық анализ кафедрасының баслығы, 2016-жылдан баслап кафедра доценти болып ислеп атыр.

 

 

Танирбергенов Муратбек Базарбаевич, физика-математика илимлериниң кандидаты, доцент. 1973-жылы 6-май күни Нөкис қаласында туўылған. 1995-жылы Қарақалпақ мәмлекетлик университетин тамамлаған. Қәнигелиги дифференциаллық ҳәм математикалық фи-зика теңлемелери. 2007-жылы 7-май күни «Некоторые вопросы теории обратных задач оператора Дирака на всей прямой» темасында кандидатлық диссертация-сын жақлады. 15 тен аслам илимий мийнетлери баспада жәрияланды. Соның ишинде 4 оқыў қолланбасы баспадан шықты. 2015-жылдан баслап математикалық анализ кафедрасы доценти болып ислеп атыр.

 

 

Қурбанов Бухарбай Турғанбаевич, физика-мате-матика илимлериниң кандидаты. 1975-жылы 29-октябрь күни Нөкис қаласында туўылған. 1997-жылы Ташкент мәмлекетлик университетин тамамлаған. Қәнигелиги бойынша математик. 2004-жылы 5-апрель күни «Гра-ничная теорема Морера для некоторых типов неогра-ниченных областей» темасында кандидатлық диссер-тациясын жақлаған. 13 илимий мақаласы жәрияланды. 2015-жылдың январь айынан баслап кафедра доценти болып ислеп атыр.

 

 

Отарова Жамила Аманбаевна, физика-математика илимлериниң кандидаты. 1979-жылы 24-сентябрь күни Нөкис қаласында туўылған. 2002-жылы Қара-қалпақ мәмлекетлик университетин тамамлаған. Қә-нигелиги бойынша математик, дифференциаллық теңлемелер. 2009- жылы «Разрешимость и спек-тральные свойства краевых задач для уравнений смешанного типа четвёртого порядка » темасында кандидатлық диссертациясын жақлады. 30 дан аслам илимий мақалалары баспада жәрияланды. Соның ишинде 1 оқыў қолланбасы баспадан шықты. 2010-жылдан баслап математикалық анализ кафедрасының доценти болып ислеп атыр. Сондай-ақ, кафедрада ассистентлер К.Баймуратова, Ш.Ережепова, Р.Юсупов, Б.Қутлымуратов, С.Абдикадиров, Г.Изетаева, С.Турениязова, Д.Реймбаева, Г.Қылышбаева, Р.Нарбаевалар ислеп атыр.

 

 

 

Нуржанов Бердах Орынбаевич,    физика-математика илимлери бойынша философия докторы (PhD). 1982-жылы 25-сентябрь күни Нөкис қаласында туўылған. 2005-жылы Қарақалпақ мәмлекетлик университетин тамамлаған. Қәнигелиги бойынша математик, дифференциаллық теңлемелер. 2017-жылы 24-май күни «Local derivations  on algebras of measurable operators» темасында докторлық диссертациясын жақлады. 20 дан аслам илимий мақалалары баспада жәрияланды. Соның ишинде 4 оқыў-методикалық қолланбалары баспадан шықты. 2017-жылдан баслап «Математикалық анализ» кафедрасының үлкен оқытыўшы лаўазымында ислеп атыр.

 

 

 

Изетаева Гулбахар Кеунимжаевна, педагогика илимлери бойынша философия докторы (PhD) кафедра доценти. 1985-жылы 6-март күни Нөкис қаласында туўылған 2007-жылы Қарақалпақ  мәмлекетлик  университетин тамамлаған. Математиканы оқытыў  методикасы қәнигелиги бойынша 2018-жылы «Олий таълим муассасаларида математик анализ фанини модели технология асосида ўқитишнинг методикасини такомиллаштириш» темасында илимий жумысын жақлада. 36 дан аслам илимий мақалалары баспада жәрияланды. Соның ишинде 2 методикалық қолланба, 2 монографиясы баспадан шықты. 2018-жылдан баслап математикалық анализ кафедрасының доценти болып ислеп атыр.

Сондай-ақ, кафедрада ассистентлер К.Баймуратова, Ш.Ережепова, Р.Юсупов, Б.Қутлымуратов, С.Абдикадиров, Д.Реймбаева, Р.Нарбаева, А. Қощанов, Ж.Каримбоевлар ислеп атыр.