Кәсиплик тәлими: информатика ҳәм информациялық технологиялары студентлери муғаллимлерди видео менен қутлықлады (Видео)

Әўелем бар бәрше муғаллим ҳәм устазларымызды 1-октябрь «Муғаллимлер ҳәм устазлар» күни менен қутлықлаймыз. Жүреклеримиздеги ең жақсы тилеклер сизлерге арналған. Жасларға тәлим-тәрбия бериўден ҳеш қашан шаршамаң. Расында да, муғаллимсиз ҳеш қандай жетискенликлерге жетиўдиң иләжи жоқ. Дүняда, муғаллим болыўдан аўыр кәсип болмаса керек. Ҳеш нәрсени билмейтуғын жас балаға оқыў-жазыўды үйретиў қыйыншылығын айтпасақта болады. Енди ғана илим босағасынан атлап атырған, спортқа енди ғана қәдем қойып атырған спортшыны дүня жүзлик көлемдеги дәрежеге жеткеремен дегенге шекемги қыйыншылықларды, бар билим ҳәм көнликпелерин жас балаға үйрететуғын өнерменттиң машақатлы мийнетин, сабыр-тақатын көз алдыңызға келтирип көриң! Ойлап қараң, өзиңиз билген нәрселерди биреўден ҳәр күни сораў, үйретиў, санасына қуйыў аңсат-па, сизиңше? Яқ, бул мийнетлердиң ҳеш қайсысын биз шәгиртлер ҳеш нәрсе менен баҳалай алмаймыз! Олар бизлерди айдың келешекке, жақтылы өмирге баслаўшы инсанлар. Биз ҳәмме ўақытта устазларымыздан миннетдармыз! Байрамыңыз мүбәрек болсын – әзиз устазлар!

Мухаммед Қудайназаров

Математика фаукльтети студенти