Миллий мақтанышымыз – байрағымыз!

Бүгин Өзбекстан Республикасы байрағы қабыл қылынғанына 28 жыл толды. Бул ўақыт аралығында Өзбекстан мәмлекетлер ара сиясий ҳәм мәдений өмиринде белсенди қатнасип, үлкен нәтийжелерге ерисип, өзиниң беккем орнына ийе болды.

Миллий белгимиз болған байрағимиз Өзбекистан қүдиретин сәўлелендириўши, мәмлекеттиң айқын тымсалы болып табылады.

Мәмлекет белгилери тарийхымыздиң бир бөлеги ҳәм Өзбекстан мәдениятиның ажыралмас тәрийхы. Мәдений үрип-әдетлеримиздиң өзине тәнлиги ҳәм байлығын аңлаў, мәмлекетимиз ерискен жетискенликлеринен күш алыў, ҳәр биримизде шахсты раўажландырыўда үлкен әҳмийетке ийе.

«Өзбекистан Республикасы Мәмлекетлик байрағы ҳаққында»ғы нызам 1991-жыл 18-ноябрде Өзбекстан Республикасы «Олий Кенгаши»ниң сегизинши сессиясында қабыл етилген. Ҳәр жылы 18-ноябрь күни мәмлекетимизде ең уллы миллий байрамлардан бири – Мәмлекет байрағы күни деп белгиленеди. Кеше ғана Республикамызда өткерилген байрам кешесинде Өзбекстан Республикасы халық артисти Мирза Aзизов сөзге шығып байрамды ашып берди. Байрамда Миллий Гвардия паспанлары, Қарақалпақстан халық қосықшылары қатнасып, байрамды кеўилли өткериў ушын өз үлеслерин қосты. Байрамды жақсы өткериў мақсетинде Қарақалпақ мәмлекетлик университети Математика факултети деканы Сейпуллаев Жумабек, оқыў ислери бойынша декан орынбасары Aлламбергенов Илимпаз басшылығында математика бағдары студент жаслары белсенди қатнасты. Байрам кең салада өткерилди. Мәмлекетимизде байрамлар көп болсын, аспанымыз ашық, байрағымыз көклерге бой созып турсын.

Б. Ембергенова

Математика факултети 4-курс студенти