Желбире байрағым, көклерде желбире

Бүгин, 18-ноябрь Өзбекстан Республикасы мәмлекетлик байрағы қабыл етилгенине 28 жыл толған күн. Өзбекстан Республикасы мәмлекетлик байрағы Өзбекстан Республикасы «Олий Кенгаши»ның нәўбеттен тысқары VII сессиясында, 1991-жыл 18-ноябрь күни тастийқланған. Өзбекстан Республикасы мәмлекетлик байрағы халық аралық майданда, Өзбекстан Республикасы рәсмий делегациясының, халық аралық шөлкемлерде, конференцияларда, жәҳән көргезбелеринде, спорт жарысларында Өзбекстан Республикасының мәмлекетлик символы болып есапланады. Өзбекстан Республикасы байрағы қабыл етилгенине 28 жыл толыўы мүнәсебети менен И. В. Советский атындағы Қарақалпақстан Республикасы мәмлекетлик музейи жанына, Президентимиз Ш. М. Мирзиёев басламасы менен 2018-жыл 25-август күни 55 мертлик бийикликте орнаылған байрақларымыз астында байрам илажлары өткерилди.

Байрам илажларына Математика факультети 3-курс Әмелий матемтика ҳәм информатика қәнийгелиги студентлери, топарымыз бенен биргеликте қатнасып қайттық. Сөзге шығып сөйлегенлер Өзбекстан Республикасы байрағы қабыл етилгенине 28 жыл толыўы мүнәсебети менен жийналған халықты қутлықлады. Қосықшылар тәрепинен атқарылған намалар байрамдағы көтеринкили кейпиятты еледе арттырды.

Г. Уснатдинова

Математика факультети 3-курс студенти