Тилге итибар – елге итибар!

1-декабрь қарақалпақ тилине мәмлекетлик тил бийлиги берилгенинин 30 жыллық байрамы халқымыз арасында көтериңки руўхта белгиленип атыр. Усы орында 29-ноябрь күни университетимиздиң мәлимлеме ресурс орайы бас китапханашысы Қалмурзаева Раўшан ҳәм университетимиздиң «Китапқумарлар клубы» ағзасы Пиржанова Айжамал «Тил миллет байлығы» темасында түсиниклер берди. Тилдиң тазалығын бузбаў, оны көздиң қарашығындай асраў, тилди бузып сөйлеп атырғанлаға тил миллеттиң тийкарғы буўыны екенлигин түсиндириў кереклигин атап өтти. Миллетти жоқ етиўди қәлесең, оған урыс ашыў шәрт эмес, оның тилин сындырыўдың өзи жеткиликли. Сонлықтан тил ҳәр бир халықтың миллий байлығы ҳәм мақтанышы болыўы керек. Сабақ жуўмағында топар студентлери тил ҳәм оның жәмийеттеги орны туўралы өзлерин қызықтырған сораўларға жуўап алды.

Гүлқумар Өмирбаева

Математика факультети 1-курс студенти