Пән олимпиадасы болып өтти

Усы жылдың 10-ноябрь күни факультетимизде пән олимпиадасы болып өтти. Пән олимиадасына жоқары оқыў орынлары студентлери өз университетлеринен онлайн қатнасты. Олимпиада да студентлер 5 есап бойынша билимлери сынақтан өтти. Олимпиада да қатнасыўшылар өз курс категориясы бойынша қатнасты, яғный, басланғыш курс студентлери өз алдына ҳәм жоқарғы курс студентлери өз алдына қатнасып, баҳалаў критериясы 7 балл системасында баҳаланды. Университетимизден, жәми 24 студент жаслар қатнасты. Студентлер сентябрь ҳәм октябрь айларында Б. Нуржанов, С. Әбдиқадиров, A. Aлауатдинов басшылығында, биргеликте толық таярлық өткерип, өз билимлерин арттырды. Жоқары саўатқанлық, тапқырлық дәрежесин көрсетип, жақсы қатнасқан студентлерге бакалавр тәлим бағдарын питкергеннен кейин Россия Федерациясы Новосибирск мәмлекетлик университети магистратурасына грант тийкарында оқыў имканияты бериледи. 2018-жылы пән олимпиадасинда табыслы қатнасқан питкериўшилерден А. Хакимбаев, А. Қутыбаев, М. Жетписбаев ҳәзирде Россия Федерациясы Новосибирск мәмлекетлик университети Механика-математика факультети магистратурасында грант тийкарында оқып атыр.

Б. Ембергенова

Математика факультети 4-курс студенти