14-январ Ўатан қорғаўшылары күни

Ғәрезсизлик жылларында мәмлекетимиз тынышлығын асырап-абайлаў, қорғаў сияқлы стратегиялық ўазыйпаларды туўры жол менен шешиўге ийе болған, жақсы қуралланған миллий армиямызды пайда етиўге қаратылған басқышпа-басқыш үлкен ис-илажлар әмелге асырылмақта. Сол тийкарда факультетимизде студент жаслардың қәлбинде ўатанға деген сүйиспеншилик сезимлерин еледе күшейтиў мақсетинде ушырасыў кешеси болып өтти. Ушырасыўда факультетимиз устаз-муғаллимлери, профессор-оқытыўшылары менен бирге студент жасларда қатнасты. Ушырасыўды факультетимиз деканы Ж.Сейпуллаев ашып берди ҳәм байрам менен қутлықлап, ушырасыўға келген мийманлар менен таныстырып өтти. Өзбекистан Республикасы Миллий Гвардиясы Қарақалпақстан Республикасы басқармасы бөлим баслығы подполковник Сапарнияз Мәмбеткаримов, топар командири маёр Турғунов Улуғбеклер сөзге шығып өз пикирлерин студент жаслар менен бөлисти. Ушырасыў даўамында студент жаслардың қызықтырған ҳәм түсинбеген сораўларына жуўаплар берилип «Меҳр оператсияси» фильмы қойып берилди.

Б. Ембергенова

Математика факультети студенти