Бердақ атындағы Қарақалпақ мәмлекетлик университети математика факультети хабарландырыў хаты

Математикалық билимди ҳәм илимди студентлер, басқа қәнигеликтеги оқытыўшылар ҳәм хызметкерлер арасында кеңнен үгит-нәсиятлаў мақсетинде 2020-жыл 31-март күни «Математика ҳәм турмыс» атамасында баянатлар таӊлаўы өткериледи.

Таӊлаўда университеттиӊ магистрантлары ҳәм студентлери қатнасыўы мүмкин.

Таңлаў материалларын таярлаўға қойылатуғын талаплар:

– баянат темасы А4 көлеминдеги қағазға бас ҳәриплер менен (14 шрифтте) ортаға жазылып, кейинги қатардан 1 интервал қалдырылып автордың аты ҳәм фамилиясы бас ҳәриплерде, оннан төменде автордың курсы ҳәм қәнигелиги жазылады. Оннан соң, 1 интервал төменде хат басынан баянат тексти жазылады.

-баянатлар Microsoft Word, Times New Romanда 5 беттен аспаған көлемде (қарақалпақ, өзбек ҳәм рус тиллеринде) 14 шрифт, 1,5 интервалда, шеп тәрептен 3 см, оң тәрептен 1,5 см, жоқары ҳәм төменнен 2 см қалдырылған ҳалда жазылады.

-баянат материаллары таӊлаўдыӊ темасына сәйкес келетуғын, илимий анализленген ҳәм жуўмақланған пикирлерге тийкарланған формада усынылыўы керек;

-материаллар бир нусқа қағазда ҳәм электрон көринисте, сондай-ақ автор ҳаққындағы мағлыўматлар: телефон, почта мәнзили көрсетилип шөлкемлестириў комитетине усынылады;

-шөлкемлестириў комитети баянат материалларын саралаў ҳәм редакторлаў ҳуқықына ийе. Баянат материалларында келтирилген фактлер ҳәм пикирлер ушын автордың өзи жуўапкер.

Таӊлаўда қатнасыў ушын баянат материаллары текстин төмендеги талапларға муўапық таярлап, matfac2020@mail.ru электрон мәнзил арқалы 2020-жылдың 21-март күнине шекем шөлкемлестириў комитетине жибериўиңиз соралады.

Ең жақсы баянатларды китап етип басып шығарыў жобаластырылған.

Мағлыўматларды жыйнаўга кафедралар бойынша жуўапкерлер:

      Пиримбетов Азамат (97) 356-97-84

                            Сейдуллаев Абат (97) 356-34-09

                            Реймбаева Дилафруз (97) 789-97-27                         

                           Салиев Ислам (97) 359-22-93

Төмендеги темалардың арасынан қәлеген темаңызды сайлап алыўыңыз ямаса өзиңиз басқа тема таўып баянатлар таярлаўыңыз мүмкин.

  1. Математика-илимлердиң патшасы.
  2. Математиканың физикада қолланыўлары.
  3. Математиканың биологияда қолланыўлары.
  4. Математиканың химияда қолланыўлары.
  5. Математиканың экономикада қолланыўлары.
  6. Математика ҳәм информациялық технологиялар
  7. Математиканың юриспруденциадағы роли
  8. Математиканың муғаллим кәсибиндеги әҳмийети
  9. Математика менен информатиканың байланысы ҳаққында
  10. Математикалық усыллардың медицинада қолланыўы
  11. Бухгалтер қәнигелигинде математиканың қолланыўлары.
  12. Математиканың басқа илимлерде ҳәм кәсиплерде қолланылыўы
  13. Математиканың әдебиятта қолланыўлары
  14. Математика ҳәм математикалық моделлестириў.
  15. Математикалық моделлестириў ҳәм есаплаў тәжрийбеси.
  16. Әмелий математика дегинимиз не?
  17. Теориялық ҳәм әмелий математика
  18. Билимлерди математикаластырыў
  19. Математика илимлердиң тили
  20. Экология ҳәм эволюцияның математикалық моделлери.
  21. Популяциялардың математикалық моделлери.
  22. Қантлы диабеттиң дифференциаллық модели.
  23. Медициналық мәселелердиң математикалық моделлери.
  24. Ҳәзирги заман математиканың машқалалары.
  25. Ҳәзирги заман кибернетикасының машқалалары.
  26. Ҳәзирги заман әмелий математикасының методикалық өзгешеликлери.