Қарақалпақ мәмлекетлик университети Математика факультетинде мектеп оқыўшылары менен ушырасыў болып өтти

Қарақалпақ мәмлекетлик университети Математика факультетинде Қарақалпақстан Республикасы Халық билимлендириў министрлигине қараслы Хожели районында жайласқан №1 санлы улыўма билим бериў мектеби оқыўшылары менен ушырасыў болып өтти. Ушырасыўда Өзбекистан Республикасы Президентиниң алымлар менен ҳәзирги ўақытта математика илиминиң раўажланыўына қойылып атырылған талаплары тийкарында мектеп оқыўшыларын ерте кәсипке бағдарлаў оларды математика пәнине болған қызығыўшылығын еледе арттырыў мақсетинде мектеп оқыўшыларына факультет тарийхы, Қарақалпақстан Республикасында математика илиминиң раўажланыўына мийнети сиңген нураний устазларымыз, профессор-оқытыўшыларымыз ҳәм факультетимизде таярлананып атырылған бағдарлар менен таныстырып, питкерген соң қандай қәнигелерди ийелеўи мүмкин екенлиги ҳаққында түсиниклер берилди. Бунда Өзбекистан Республикасы Президентиниң әҳмийетли бес басламасында әмелге асырылыўы нәзерде тутылған ҳәрбир пәнниң математиканың турмыстағы ҳәм басқа пәнлердеги әҳмийети ҳәм оның өзлестириў ушын факультетте жаратылған мүмкиншиликлер ҳаққында айтып ҳәм оларды факультеттеги заманагөй комьютер ханалары менен таныстырылды.