Bárshemiz birgelikte korona virustı jeńemiz

Házirgi   kúnde  dúnya  júzi   xalqı  ómirine  qáwip  salıp  atirǵan   korona virus   pandemiyası     sebepli    dúnya  xalqı   óz  úylerinde  qalmaqta. Húrmetli  prezidentimiz   Sh.Mirziyoyev  baslamasında   járiyalanǵan    karantin  sebepli  barlıq  oqıw  orınlarınıń    iskerligi   hám  student-jaslardıń  qáwipsizligin  támiynlew    maqsetinde   toqtatılǵan . Sol  sebepli  biz  student  jaslar  úylerimizde qalıp  átirap-dógeregimizdiń  tazalıǵına   itibar  qaratıp, kóp  qollanılatuǵın  buyımlarımızdı  dezinfekciyalaw  jumısların  alıp  barıp  atırmız. Bos  waqıtlarımızdı     únemli  paydalanıw  maqsetinde   usı  kúnge  shekemgi  toplaǵan   bilimlerimizdi    úylerimizden   shıqpastan   bilim-tájiriybe  almasıw  maqsetinde  shańaraq  aǵzalarımız  benen  birgelikte  pikir  almasıp  atırmız,  jánede    úy-jumıslarında  qolımızdan  kelgenshe  járdem  berip, kewillerin  alıp  itibar  qaratıp  atırmız. Sonıń  menen  bir  qatarda  online  sabaq  barısların    professor-oqıtıwshılarımız  benen  birgelikte    alıp  barıp ,  kúndelikli  tapsırmalar  berilip  atır. Bunnan  basqada   shet-tillerin  úyreniw  maqsetinde   hár-túrli   online  sabaqlıqlarǵa  jazılıp  til  úyrenip  atırmız. Usınday  sınawlı  kúnlerde  óz  salamatlıǵın  qáwipke  salıp   Koronavirus   infeksiyası   tarqalıwına  qarsı  gúresip  atırǵan  sanitariya-epidemologiya    xızmetkerlerine  óz  minnetdarshılıǵımızdı  bildiremiz. Hár    birimiz  óz-ózimizge  hám  átirap  ortalıǵımızǵa  itibarlı  bolıp, birgelikte  gúresip  birgelikte  jeńeyik!

Embergenova    Biybiayım    4-kurs    studenti